IPL 2026: કોલકાતા નાઈટ રાઈડર્સ સુપર ઓવરમાં લખનૌને પરાજિત કર્યું

IPL 2026ની 38મી મેચમાં કોલકાતા નાઈટ રાઈડર્સ અને લખનૌ સુપર જાયન્ટ્સ વચ્ચે એક રોમાંચક મુકાબલો રમાયો હતો. બંને ટીમોના સમાન પ્રદર્શનને કારણે મેચ ટાઈ થતાં સુપર ઓવર સુધી પહોંચ્યો હતો, જ્યાં કોલકાતાની ટીમ વિજયી બની હતી.
કોલકાતાની ઇનિંગ્સ
પહેલા બેટિંગ કરતી કોલકાતા નાઈટ રાઈડર્સ ખરાબ શરૂઆત સાથે જોવા મળી હતી. ટિમ સીફર્ટ અને અજિંક્ય રહાણે દર્શકોને નિરાશ કર્યા હતા. કેમેરોન ગ્રીને 34 રનની ઇનિંગ રમીને અમુક સહાય પૂરી કરી હતી, પરંતુ અંગક્રિશ રઘુવંશી, રોવમેન પોવેલ અને અનુકુલ રોય કોઈ ખાસ યોગદાન આપી શક્યા નહોતા.
તે બાદ રિંકુ સિંહે ટીમને સંપૂર્ણ સહાય પૂરી કરી હતી. તેણે 51 બોલમાં 83 રનની શક્તિશાળી ઇનિંગ રમીને 7 ચોગ્ગા અને 5 છગ્ગા ફટકાર્યા હતા. તેના આ પ્રદર્શનથી KKR 7 વિકેટે 155 રન સુધી પહોંચી હતી.
લખનૌની ટક્કર
156 રનના લક્ષ્યનો પીછો કરતી લખનૌ સુપર જાયન્ટ્સ શરૂઆતમાં નબળી રહી હતી. મિશેલ માર્શ માત્ર 2 રન બનાવીને જલ્દી પેવેલિયન ફર્યો હતો. તે પછી કેપ્ટન ઋષભ પંત અને એઇડન માર્કરામ વચ્ચે સારી ભાગીદારી બની, જેનાથી ટીમ મેચમાં પાછી આવી હતી.
માર્કરામ 11મી ઓવરમાં આઉટ થયો હતો, જ્યારે પંતે 42 રનની મહત્વપૂર્ણ ઇનિંગ રમીને 13મી ઓવરમાં પોતાની વિકેટ ગુમાવી હતી. આ બે વિકેટ પછી લખનૌ ટીમ દબાણમાં આવી હતી અને મધ્યક્રમમાં થોડી અસ્તવ્યસ્તતા જોવા મળી હતી.
અંતમાં હિંમત સિંહ અને આયુષ બદોનીએ બેટિંગ સંભાળી લીધી હતી અને મહત્વપૂર્ણ રન ઉમેરતાં મેચને ફરી રોમાંચક બનાવી દીધી હતી. અંતિમ ઓવરમાં લખનૌને જીત માટે 17 રનની જરૂર હતી. હિંમત સિંહ પછી પોતાની વિકેટ ગુમાવી બેઠો હતો, જેનાથી દબાણ વધી ગયું હતો.
છેલ્લી બોલ પર જીત માટે 7 રનની જરૂર હતી, તે વખતે શમીએ શાનદાર સિક્સર ફટકારીને મેચ ટાઈ કરી દીધી હતી. આ IPL 2026ની પહેલી સુપર ઓવર બની હતી.
સુપર ઓવર નિર્ણય
સુપર ઓવરમાં લખનૌ તરફથી એઇડન માર્કરામ અને નિકોલસ પૂરન બેટિંગ કરવા આવ્યા હતા, જ્યારે કોલકાતા તરફથી સુનીલ નારાયણ બોલિંગ માટે ઉતર્યો હતો. નારાયણે પહેલી જ બોલ પર નિકોલસ પૂરનને બોલ્ડ કરીને મોટો ઝટકો આપ્યો હતો.
ત્યારબાદ કેપ્ટન ઋષભ પંત ક્રિઝ પર આવ્યો હતો અને બીજા બોલ પર એક સિંગલ લીધો હતો. ત્રીજા બોલ પર નારાયણે માર્કરામને કેચ આઉટ કરાવી દીધો હતો. આ બધા ઘટનાક્રમથી લખનૌ સુપર ઓવરમાં માત્ર 1 જ રન બનાવી શક્યું હતું.
જવાબમાં કોલકાતા તરફથી રિંકુ સિંહ અને રોવમેન પોવેલ બેટિંગ કરવા આવ્યા હતા, જ્યારે લખનૌ તરફથી પ્રિન્સ યાદવ બોલિંગ કરવા ઉતર્યો હતો. પ્રિન્સ યાદવના પહેલા જ બોલ પર રિંકુ સિંહે શાનદાર ચોગ્ગો ફટકારીને કોલકાતાને જીત અપાવી દીધી હતી.
આ જીત સાથે કોલકાતા નાઈટ રાઈડર્સનો સતત બીજો વિજય નોંધાયો છે અને ટીમ પોઈન્ટ ટેબલમાં 8મા સ્થાને પહોંચી ગઈ છે.
Compare options


